28. mars 2026

First Water heimsókn

Hópurinn heimsótti og fékk innsýn í starfsemi og framleiðslu First Water í Þorlákshöfn, en fyrirtækið er með þeim stærri á vaxandi markaði fyrir landeldi á laxi.

Hópurinn heimsótti framleiðslustöð First Water í Þorlákshöfn þar sem Stefán Ágústsson, rekstrarstjóri félagsins, tók á móti okkur.

Stefán kynnti starfsemina og framtíðarsýn fyrirtækisins, en að því loknu fékk hópurinn skoðunarferð um stöðina.

Þar fékk hópurinn innsýn í hvernig laxinn er alinn upp í hátæknikerum fyrir sölu um allan heim.

Landeldi er atvinnugrein í örum vexti og skipar mikilvægan sess í framtíðarvexti Íslands, mataröryggi og framleiðslu á hagkvæmum gæðalaxi.